News Portal

फतेमा सुमार आएकै दिन भारतका दुई हिन्दूवादी नेता नेपालमा

ईसगरमाथा संवाददाताकाठमाडौं,२५ भाद्र २०७८
१२९ पटक
काठमाडौं,२५ भाद्र २०७८

एमसिसीका उपाध्यक्ष फतेमा जेड सुमार आएकै दिन भारतका दुई हिन्दूवादी नेता नेपालमा आएका छन् । भारतको राष्ट्रिय स्वयंसेवक संघ (आरएसएस) का केन्द्रीय कार्यकारिणी सदस्य राम माधव र विश्व हिन्दू परिषद्का अन्तर्राष्ट्रिय महामन्त्री मिलिन्द पराण्डे बिहीबार काठमाडौं आइपुगेका छन् ।

पराण्डे विश्व हिन्दू परिषद् नेपालले आयोजना गरेका बैठकमा सहभागी हुन आएका हुन् तर राम माधव किन आए उनको भ्रमण प्रयोजन खुलाइएको छैन । माधव आरएसएसमा अमेरिका निकटका पात्र मानिन्छन् । उनको भ्रमणको विषयलाई अति महत्वका साथ हेरिएको छ ।

भाजपा विदेश विभाग प्रमुख डा. विजय चौथाइवा आएको तीन साता नबित्दै आरएसएसका प्रभावशाली नेता राम माधव आएका नेपाल आएका छन् । अमेरिकामा तयारी हुदै गरेको हिन्दू सम्मेलनलाई लिएर नेपाल आएको बुझिएको छ भने फतेमा जेड सुमारसंग नेपालमा भएका हिन्दू गतिविधि प्रस्तुत गर्न आएका भनी एकाथरीले अनुमान लगाएको छन् भनी अनलाइन मिडियाहरुले उल्लेख गरेका छन् ।

राम माधवको भ्रमणबारे काठमाडौ ंस्थित हिन्दू स्वयंसेवक संघका पदाधिकारी बिहीबार अबेरसम्म अनभिज्ञ रहेको बताएका छन् । माधवले आफ्ना सीमित निकटस्थहरूलाई मात्रै काठमाडौं आउनु परेकोे जानकारी दिएका थिए । राम माधव इन्डिया फाउन्डेसन नाम थिंकट्यांकका निर्देशक हुन् ।

राम माधव भारतीय जनता पार्टीका पूर्वमहासचिव पनि हुन् । ६ महिनाअघि उनलाई भाजपाले जिम्मेवारीमुक्त गरेको थियो । उनी आरएसएसको राष्ट्रिय कार्यकारिणी सदस्यमा नियुक्त भएका प्रभावशाली ब्यक्तित्व हुन् ।

आरएसएसमा कार्यरत उनलाई अमित शाह भाजपा अध्यक्ष हुदा पार्टीमा जिम्मेवारी दिइएको थियो । आरएसएस भाजपाको जनवर्गिय मोर्चा हो ।

विगतमा भाजपाका तर्फबाट नेपाल मामिला राम माधवले हेर्दै आएका थिए । उनले नेपालमा रहदा पश्चिमासंग मिलेर हिन्दू एकतामा ठेस पुराएको अँगालेको आरोप भाजपा भित्र लाग्दै आएको छ भने पश्चिमा नीतिबाट सजिलै चल्ने पात्र भनेर चिनिएकाछन् । डेढ वर्ष देखि भाजपाले विदेश विभाग इन्चार्ज डा. विजय चौथाइवालेलाई नेपाल मामिला हेर्ने जिम्मेवारी दिएको छ।

प्रतिकृया दिनुहोस्