News Portal

नेपालमा राजनिती हद् नै भयो, अब सहने छुट हामीलाई छैनः हिमानी शाह

ईसगरमाथा संवाददाता काठमाडौं, १५ असोज
७० पटक
काठमाडौं, १५ असोज

पूर्व युवराज्ञी हिमानी शाहद्धरा सञ्चालित हिमानी ट्रस्टले शुक्रबार काठमाडौंमा आयोजित एक कार्यक्रममा नवलपरासीका ५ सय बाढी पीडित परिवारलाई खाद्यान्न लगायतका सामग्री सहयोग गरेको छ ।

युवराज्ञी हिमानी शाहको जन्मदिनको अवसरमा आयोजित कार्यक्रममा बिभिध सामग्री सहयोग गरिएको छ । सहयोगका क्रममा कोषले मानवीय बालश्रम, नयाँ नेपाल अनाथालय र सोलु बालकल्याण आश्रममा रहेका बालबालिकाका लागि पनि खाद्यान्न सहयोग गरेको छ ।

राष्ट्रिय जनजागरण समाज सुधार आश्रममा बस्ने ४४ बालबालिकाका लागि पनि न्यानो लुगा सहयोग गरिएको ट्रस्टले बताएको छ । सहयोग हस्तान्तरण कार्यक्रममा बोल्दै कोषकी अध्यक्ष पूर्व युवराज्ञी शाहले नेपाली जनताको सेवा नै कोषको लक्ष्य रहेको बताउदै उनले यो महामारीको समय सबै एकजुट हुनुको विकल्प नरहेको बताइन् ।

बर्तमान समयमा स्वास्थ सबैभन्दा महत्वपूर्ण रहेको बताउदै सबै नेपालीलाई खोप लगाउनुपर्ने पहिलो प्राथमिकता हुनुपर्नेमा जोड दिएकी छन् ।
यसैबिच समृद्ध नेपाल निर्माणका लागि आम सर्बसाधारणका गुनासा र किसानका समस्या समाधान गर्दै कृषि उत्पादनको बजारीकरण गर्नुपर्ने समेत बताईन् ।

हिमानी ट्रस्ट कोषले विगत ११ वर्षदेखि निरन्तर रूपमा सामाजिक कार्म गर्दै आएको छ ।

प्रतिकृया दिनुहोस्