News Portal

नेकपा एमाले विधान महाधिवेशनमा शनिबार समूहगत छलफल हुँदै

ईसगरमाथा संवाददाताकाठमाडौं, १६ असोज
६० पटक
काठमाडौं, १६ असोज

काठमाडौंमा जारी नेकपा एमालेको विधान महाधिवेशन अन्तर्गत आज समूहगत रुपमा छलफल सुरू भैरहेको छ ।
महाधिवेशनमा पेस भएको प्रतिवेदनमाथि भखरै अर्थात ८ बजेदेखि समूहगत छलफल हुन लागेको एमाले प्रचार प्रसार विभागले बताएको छ ।

बिभागका अनुसार शुक्रबार सुरु भएको नेकपा एमालेको प्रथम विधान महाधिवेशनमा प्रस्तुत दस्तावेजमाथि उपर छलफल गर्न १० वटा समूह गठन भएका छन् । समूहलाई छलफलका लागि आज आठ बजेदेखि चार घण्टा समय दिइएको छ ।

एमाले अध्यक्ष केपी शर्मा ओलीले प्रस्तुत गरेको राजनीतिक प्रतिवेदन, महासचिव ईश्वर पोखरेलले प्रस्तुत गरेको सांगठनिक प्रतिवेदन र उपमहासचिव विष्णु पौडेलले प्रस्तुत गरेको विधान संशोधन प्रस्तावमाथि समूहगत छलफल गरिने भएको हो ।

छलफल सकिएपछि पूर्ण बैठक बस्नेछ र सो बैठकमा समूहको निष्कर्ष सुनाइने छ । समूहको निष्कर्षपछि आइतबार महाधिवेशन सकिने छ।

बिभाजन १० वटा समूहलाई सहजीकरण गर्न प्रदेश १ को समूहको सहजीकरण सुवास नेम्वाङ र भीम आचार्य, प्रदेश २ को समूहको सहजीकरण सत्यनारायण मण्डल र रघुविर महासेठले गर्नेछन् ।

यसैगरी बागमती प्रदेश समूहको सहजीकरण अष्टलक्ष्मी शाक्य, रामबहादुर थापा बादल, गण्डकी प्रदेश समूहको सहजीकरण पृथ्वीसुब्बा गुरुङ र किरण गुरुङले गर्नेभएका छन् ।

लुम्बिनी प्रदेश समूहको सहजीकरण विष्णु पौडेल, शंकर पोखरेल, कर्णाली प्रदेश समूहको सहजीकरण युवराज ज्ञवाली, यामलाल कँडेल र सुदूरपश्चिम प्रदेश समूहको सहजीकरण भीम रावल र लेखराज भट्टलाई तोकिएको छ ।

काठमाडौं उपत्यकाका लागि भने विशेष कमिटी सम्पर्क समूह र प्रवास समूहको सहजीकरण छबिलाव विश्वकर्मा र राजन भट्टराईले गर्नेभएका छन् ।

जनबर्गीय संगठन समूहको सहजीकरण गोकर्ण विष्ट र टोपबहादुर रायमाझीले गर्नेछन् । केन्द्रीय विभाग तर्फका समूहको सहजीकरण अमृत बोहरा र पुष्प कँडेललाई तोकिएको छ ।

प्रतिकृया दिनुहोस्