News Portal

नेपालमा कोरोना संक्रमणबाट चार हजार ६६९ को मृत्यु

चार लाख ३९ हजार ६५८ संक्रमित

ईसगरमाथा संवाददाताकाठमाण्डौ, ३१ बैशाख
२३ पटक
काठमाण्डौ, ३१ बैशाख

नेपालमा कोरोना संक्रमणबाट मृत्यु हुनेको संख्या चार हजार ६६९ पुगेको छ । स्वास्थ्य तथा जनसंख्या मन्त्रालयले जनाएको छ । मन्न्त्रालयका अनुसार नेपालमा कोरोना भाइरस संक्रमितको संख्या ४ लाख ३९ हजार ६५८ पुगेको छ ।

तीमध्ये सक्रिय संक्रमितको संख्या १ लाख ७ हजार ३३६ जना छन् । हालसम्म संक्रमणमुक्त हुनेको संख्या ३ लाख २७ हजार ६५३ पुगेको मन्त्रालयले जनाएको छ ।

मन्त्रालयका अनुसार पछिल्लो २४ घण्टामा २०३ जनाको मृत्यु भएको छ । पछिल्लो २४ घण्टामा २० हजार ९९८ पीसीआर र ५३० एन्टिजेन परीक्षणमा ८ हजार ५२० जनामा संक्रमण पुष्टि भएको छ ।

सक्रिय संक्रमितमध्ये ९८ हजार ८६९ जना होम आइसोलेसनमा र ८ हजार ४६७ जना संस्थागत आइसोलेसनमा छन् । त्यस्तै १ हजार ३३४ जना आईसीयूमा र ३७१ जना भेन्टिलेटरमा छन् भने पछिल्लो २४ घण्टामा ६ हजार १३५ जना कोरोनाभाइरस संक्रमणमुक्त भएका छन् ।

प्रतिकृया दिनुहोस्