News Portal

मैले अध्यक्ष मागेको छैनः एमाले नेता माधव नेपाल

ईसगरमाथा संवाददाताकाठमाडौं, १४ साउन
१६ पटक
काठमाडौं, १४ साउन

नेकपा एमालेका वरिष्ठ नेता माधव नेपालले आफूलाई दोस्रो अध्यक्ष चाहियो भनेर कहिल्यै नभनेको बताएका छन् । आफू निकट २२ जनवर्गीय संगठनका पदाधिकारीसँग मंगलबार भएको छलफलमा वरिष्ठ नेता नेपालले आफूले पद मागेको नभई सम्मानजनक एकता चाहेको स्पष्ट पारेका छन् ।

उनले दुई अध्यक्ष बनाउने भए पनि अन्य कोहीलाई बनाउन सकिने धारणा राखेको बताएका थिए ।

त्यस्तो हुन नसके महाधिवेशनसम्मको लागि ओली, खनाल र वामदेव गौतमसहितको अध्यक्ष मण्डल बनाउने पक्षमा आफू रहेको बताएको नेपाल निकट युवा संघका अध्यक्ष नरेश शाहीले बताए ।

वरिष्ठ नेता नेपालले एमाले एकता जरूरी रहे पनि ओली पक्ष यसका लागि गम्भीर नभएको आरोप लगाएका थिए। उनले संसद र संविधान जोगिएकाले अब पार्टी जोगाउनपर्ने  बताए ।

छलफलमा नेपाल निकटका जनवर्गीय संगठनका पदाधिकारी सहभागी भएको र उनीहरूले १० बुँदे सहमति अपुरो रहेको बताएका थिए ।
नेपालले पनि त्यसमा सहमति जनाउँदै अहिलेसम्मको परिस्थितिको दोष कसको भनेर छुट्ट्याउनुपर्नेमा समेत  नेता नेपाल र जनवर्गीय संगठनका पदाधिकारी एकमत भएका थिए ।

‘१० बुँदे सहमति आफैंमा अपुरो बताउदै यसले जेठ २ लाई आंशिक रूपम मात्रै स्वीकारेको छ । तर परिस्थिति अझै पर पुगेको छ, छलफलका एक सहभागीले भने, ‘दुई–दुई पटक प्रतिनिधि सभा विघटन भएको बारे समीक्षा गर्नुपर्छ कि, पर्दैन भन्ने हाम्रो जिज्ञासा हो। यसको दोष या त केपी ओलीले लिनुपर्यो या त हाम्रै कारणले हो भनेर भन्न सक्नुपर्यो भन्ने हो ।

कार्यदलमा रहेका नेताले माधव नेपालबिनाको एकता असम्भव रहेको बताए पनि नेपाल र कार्यदलका नेताको बुझाइ भने फरक पाइएको जनवर्गीय नेतृत्वले बताएका छन् ।

१० बुँदेकै आधारमा मात्रै एकता गर्न नसकिने धारणा स्पष्टसँग राख्दै पार्टी एकता चाहना भएको र विभाजन बाध्यता भएको बताए । यति हुँदा पनि आफू एकताकै पक्षमा रहेको भनेका छन् । तर कार्यदलका नेताको भनाई अलि जालझेल रहेकोले १० बुँदाभित्रैबाट सहमति खोज्नुपर्ने  भनाई छ ।

प्रतिकृया दिनुहोस्