News Portal

नेपालमा पनि विश्वको महंगो फोन

ईसगरमाथा संवाददाताकाठमाण्डौ, १९ साउन
७५ पटक
काठमाण्डौ, १९ साउन

नेपालमा पहिलो पटक ह्याण्डमेड लक्जरी मोबाइल फोन ब्राण्ड भर्टुको नयाँ मोडेलको स्मार्टफोन नेपाली बजारमा उपलब्ध भएको छ ।

पछिल्लो फाइभ जी स्मार्टफोन लाई ओलिज स्टोरले पहिलो पटक नोकिया कंपनीले स्थापनामा राखेको बेलायतस्थित भर्टु कम्पनीले सो स्मार्टफोनलाई उत्पादन गरेकोे छ ।

आइभर्टु फाइभ जी मा स्नापड्रागन ८८८ फाइभ जी अक्टाकोर प्रोसेसर रहेको छ । यो प्रोसेसर क्वालकोमको फ्लागसीप चिपसेट हो । यसमा १२ जिबीको र्याम र ५१ जिबीको इन्टर्नल स्टोरेज रहेको छ ।

महंगा धातु र पत्थरसँगै ह्याण्डमेड हुने भर्टुका फोनहरु निकै महंगा हुने भएको छ । धातुको फ्रेम रहेको स्मार्टफोनमा प्रयोग गरिएको छालाको आधारमा दुई मोडेलमा उपलब्ध छ ।

गोहीकोा र बाच्छाको छाला प्रयोग भएको प्रिमियम लेदर ब्याक नाम दिइएकोे आई भर्टु फाइभ जी स्मार्टफोनमा ६.६७ इन्चको एमोलेड स्क्रिन छ, यसको रिजोलुसन १०८० गुणा २४०० पिक्सेल एफएचडी छ भने रिफ्रेस दर १२० हर्ज छ ।

यो स्मार्टफोनमा क्वाड क्यामरा सेटअप रहेको छ । प्राइमरी क्यामरामा ६४ मेगापिक्सेलको सेन्सर रहेको छ । त्यस्तै अर्को अल्ट्रावाइड क्यामरा पनि ६४ मेगापिक्सेलकै छ । अन्य दुईवटा क्यामरामा एउटा ५ मेगापिक्सेल म्याक्रो र अर्को २ मेगापिक्सेल डेप्थ सेन्सर क्यामरा रहेकाछन् ।

त्यस्तै सेल्फी क्यामरा १६ मेगापिक्सेलको जडान छ । यो फोनमा ४२०० मिलि एम्पियर आवरको अत्यधिक शक्तिशाली ब्याट्री राखिएकोछ जुन ५५ वाट फास्ट चार्जिंग सपोर्ट हुने गर्दछ । यसको डिस्प्ले भित्रै फिंगरप्रिन्ट स्क्यानर रहेको छ ।

साथै यसमा फेस लक सेन्सर पनि रहेको छ । यो स्मार्टफोनमा एन्ड्रोइड ११ सँगै भर्टु अपरेटिंग सिस्टम रहेको राखिएकोछ ।

चीनमा ४२ हजार ८०० युआन पर्ने यो आइ भर्टु फाइभ जी स्मार्टफोनलाई नेपाली बजारमा ल्याएको ओलिज स्टोरले यो फोनको मूल्य विवरण खुलाएको छैन । फोनको एक अनबक्सिङ भिडियोमा खैरो रङको लेदर भएको फोन नेपालमा आइसकेको जानकारी भने गराइएको छ ।

 

प्रतिकृया दिनुहोस्