News Portal

पहिरोमा परी हिमाचल प्रदेशमा १३ को मृत्यु, धेरै सवारी साधन पुरिए

ईसगरमाथा संवाददाताकाठमाण्डौ, २८ साउन
१७४ पटक
काठमाण्डौ, २८ साउन

भारतको हिमाचल प्रदेशमा एउटा राजमार्गमा गाडीहरू माथि पहिरो खस्दा कम्तीमा १३ जनाको मृत्यु भएको छ भने धेरै मानिसहरू पुरिएका छन् । बुधवार डाँडाबाट खसेका ढुङ्गामाटोहरू ट्रक, बस र केही साना सवारी साधन माथि खसिरहेका विविसीले जनाएको छ ।

सरकारी अधिकारीहरूका अनुसार ढुङ्गामाटो समेतको पैह्रो गैरहेकोले उद्धारकार्य प्रभावित भएको छ । भारतमा यो वर्ष मनसुनमा असामान्य रूपमा धेरै वर्षा भएकाले धेरै ठाउँ बाढी र भूस्खलनबाट प्रभावित छन् ।

किन्नौर जिल्लामा भएको घटनामा १० जनाको जीवित उद्धार गरिएको छ । झन्डै ३० जना अझै पहिरोमा पुरिएको आशङ्का गरिएको स्थानीय विवरणहरूमा उल्लेख छ । भारत–तिब्बत सीमा सुरक्षाका लागि खटिएका प्रहरीहरू उद्धारकार्यमा परिचालित भइरहेका छन् ।

उद्धाराकार्य राति पनि चलोस् भन्ने अपेक्षा गरेको एक स्थानीयवासी अबिद हुसैनले समाचार संस्था रोएटर्सलाई बताए । उद्धार कार्यमा भारत–तिब्बत सीमा प्रहरी तथा अन्य उद्धारकर्मी घटनास्थलमा खटिएका छन् ।

 

 

प्रतिकृया दिनुहोस्